Atentanti në Bllok/ Zbulohet shkaku i sherrit, viktima ngacmoi Elvana Gjatën
Zbulohen të tjera detaje për ngjarjen e ndodhur mbrëmë në kryeqytet ku mbeti i vrarë një person dhe të plagosur dy të tjerë. Burime të sigurta thanë për “BalkanWeb” se ‘molla e sherrit’ ka qenë këngëtarja Elvana Gjata. Ajo ishte në shoqërinë e të dashurit të saj, një biznesmen i njohur, kur disa persona, miq të Ervis Martinit e kanë ngacmuar duke provokuar sherrin dhe më pas palët kanë nxjerrë armët duke sjellë kasaphanën që ndodhi. Prokuroria ka marrë në pyetje dhe këngëtaren Elvana Gjata për të zbuluar nëse ngjarja është vetëm për sherrin e çastit apo ka një prapaskenë për konflikte të mëparshme, mes dy grupeve rivale. Sipas “BalkanWeb” Gjata u mor në pyetje në ambientet e policisë dhe ka dalë prej 20 minutash. Ajo ka dhënë në polici dëshminë e saj, ndërsa burime për “BalkanWeb” pohuan se këngëtarja ndodhej në gjendje të rënduar psikologjike. Nderkohe eshtë një hetim i thelluar që pritet të zbardhë ngjarjen. Fillimisht policia dha identitete të ndryshme për viktimën dhe të plagosurit. Kjo pasi në makinën e viktimës është gjetur një kartë identiteti me emrin Rigers Gaxha. Por sot pas hetimit më të plotë është konfirmuar se viktima është Fabiol Gaxha, 26 vjeç truprojë e Ervis Martinit. Burimet thane se Rigers Gaxha eshte vellai i 26 vjecarit, i mbetur i vdekur si pasoje e te shtenave. Nuk dihet ende pse dy vellezerit mbanin kartat e njeri-tjetrit. Deri në këto momente, policia nuk ka nxjerrë detaje për ngjarjen përveç një njoftimi të shkurtër pak minuta pas vrasjes mbrëmjen e kaluar./BalkanWeb
Me te lexuarat
Me te lexuarat
