My STORY

Pamela Anderson: Përfundova në Playboy pas dy përdhunimeve, ishte çlirim për mua

Pamela Anderson ka rrëfyer se revista “Playboy” i ka shpëtuar jetën. Në një intervistë për “Us Weekly”, aktorja dhe modelja ka thënë se revista e Hugh Hefner i ka shpëtuar jetën në kuptimin e vërtetë të fjalës. “Kam qenë shumë e ndrojtur si fëmijë. Me mua ka abuzuar “dado” kur isha ende 4 vjeç dhe raportet e para me meshkujt nuk kanë qenë konsensualë. Por “Playboy” më dha forcë dhe më shpëtoi jetën”, tregon ndër të tjera Pamela Anderson. Karriera e suksesshme si një lepurushe për Pamela Anderson nisi në vitin 1989-të, kur doli në kopertinën e revistës së famshme, ndërsa pak më vonë u vlerësua edhe si “Playmate” e muajit. “Ndihesha si në kurth dhe kisha nevojë të çlirohesha. Foto për Playboy ishin një çlirim për mua, sepse takova shumë artistë dhe njerëz të sjellshëm”. Pamela Anderson ka folur për herë të parë për eksperiencat e saj në vitin 2014, kur tregoi abuzimet nga ‘dado’kur ishte 4 vjeçe, shkruan “Top Channel”. Ndërsa kur ishte 12 vjeç është përdhunuar nga një 25-vjeçar. Shumë kohë më vonë ajo është përdhunuar në grup nga i fejuari i saj dhe 6 meshkuj të tjerë. /Story.al/