Gjashtë muaj pas lajmit për prishjen e fejesës, aktorja e famshme Pamela Anderson dhe futbollisti i njohur, Adil Rami, po i japin një tjetër shans njëri-tjetrit. TMZ shkruan se 51-vjeçarja dhe 33-vjeçari janë kthyer bashe prej disa javësh.

Sipas burimeve, futbollisti po e largon Pamelen nga miqtë dhe familja e saj, si dhe nga jeta e natës apo nga festat, pasi nuk bëjnë më për të. Kohë më parë, aktorja u shpreh gjatë një interviste se nuk priste që dashuria e tyre të zgjaste.

Ndërkohë në shtator të vitit të kaluar u raportua se aktorja u nda, pasi Rami nuk obligohej shumë si baba, si dhe sepse ai nisi të diskutonte rreth martesës.

Futbollisti i njohur, i cili u lidh fillimisht me aktoren në 2017-ën ka dy djem binjakë 2-vjeçarë, Zayn dhe Madi me ish-partneren, Sidonie Biémont. “I theu zemrën Pamela-s pasi nuk i shikonte fëmijët aq sa duhej, kështu që ajo vendosi të ndahej. Ajo u largua nga jeta e tij, në mënyrë që ai t’u përkushtohet atyre në mënyrën e duhur”, tha një burim pas ndarjes./Panorama Plus